Vol 2 Issue 3

Hudhaa 2  Lakko 3

Inside this issue:

Barruleen Burqaa Hudhaa 2 lakkoobsi 3ffaan kunoo magaalaarra oolee jira. Maxxansi kunis akkuma maxxansaalee Burqaa darbanii mata duree adda addaa jalatti dhiimmoota yeroo fi barbaachisoo ta’an irratti qiyyaafatee kan dhihaateedha.

Oromiyaan Baatii sadan darbe kana akkamitti turte?

Gabaasaan Burqaa Finfinnee irraa dhimma Filmaataa dabalatee qabatamaan sabani keenya har’a maal keessa akka jiru nuuf ibsa.

Filmaanni goyyoomsaa wayyaanee kun deemsa qabsoo bilisummaa Oromoo irratti miidhaa maalii qaba? Oromoonni Filmaaticha akkamitti ilaalu turan? Maaltummoo irraa baratama? Hayyoonni keenya woo dhimma kana irratti yaada akkamii qabu? Xiinxalli gabaabaan, yaada namoota baayyee qabatee jiru deebii ta’a.

Fuula -5-

 “Silaa, yaadichi silaa ta’ee hafe malee silaa utuu ABOn filmaata kana keessatti hirmaate ta’ee biyyittiin yeroo ammaa kanatti bifa akkamii qabatti inni jedhu deebisuuf gaaffii nama dhibu ta’ee natti mul’ata. Akkuma kanaan dura bara 1991-2 arginettis mootummaan wayyaanee olaantummaa ummataatti amantee filmaata haqaa fi walaba ta’e gaggeessiti jechuu baadhellee ABOn bifa kamiinuu utuu biyya keessatti kallaltiin qabsoo gaggeessa ta’ee jechuun koo utuu akkuma warra Amaaraa kanatti filmaata kanatti hirmaachuuf dhihaate ta’ee.. Silaa waanti armaan gadii ni raawwatama ture..”
Taajjabaa Filmaataa Finfinnee irraa
                      Fuula -19- 

Gola Kitaabotaa irraa

Kutaa Gola Kitaabotaa kana keessatti kitaabni The Horn of Africa as Common Homeland. The State and Self-Determination in the Era of Heightened Globalization jedhamuu fi obbo Leencoo Lataan Barreeffamee dhiheenya magaalaarra oole filmaata keenya maxxansa kanaati. Obbo Leencoonis qabiyyee kitaaba kanaan walqabatee haala qabatamaa deemsa qabsoo bilisummaa Oromoo yeroo ammaa, isa darbee fi isa fuula duraa irratti yaada baayyee nuuf hiru…Nus gaaffilee adda addaa gaafannee jirra

“Dhaaboliin Oromoo Oromiyaa bilisoomsuuf qabsoofna jedhu. Oromiyaan bilisoomtus, ummtani Oromoo ummata olla waliin hariiroo nagaa tahe qabaachuun barbaachisaa dha. Hata’u malee, warri Oromiyaa bilisoomsuuf socho’anii fi warri sochii kana dura dhaabbatan (mootummaa empaayerattii), ilaalcha ijaaraa hanga hin qabaannetti, deemsii isaanii diigaa fi badiisa kan fidu akka tahe barreessitu. Haa ta’uu jijjiirraa qalbii barbaachisaa tahe kana argamsiisuufis tahe biyyattiif nagaa ummatichaaf ammo mirga argamsiisu kana hojiin raawwachuurratti isin maaf ifatti hin sochoonee? Gaaffii sammuuf, kan deebii itti barbaadaa turtanii kitaaba kana barreessuun isin geessise, deebii argattan ummatichaan gahuurratti har’a carraa fi riqicha attamii qabdu Obbo Leencoo?”

                   Fuula -8-   

Baafata

Ergaa Gulaalaa.....................................2
Xalayaalee...........................................3

Gola kitaabotaa....................................8

Ilaalcha..............................................12

Og-barruu...........................................26
Eenyu Turan........................................28

 Ilaalcha

”...ABOn mootumma cehumsaatti kan hirmaate, biyyattii keessatti nagaa fi dimookrasiin yeroof argame sana keessatti carraaqanii qabsaa’uun carraa hiree murteeffannaa ummata Oromoof argamsiisuu ture. Hata’uu sun fashalee eega ABOn mootummaa cehumsaa keessaa bahes, chaartera sana karatti deebisuun nagaa fi carraa hiree murteeffanna ummatichaa argamsiisuuf hojjechuuf akka danda’amutti ABO fi mootummaa Wayyaanee walitti araarsuuf ifajjiin tahaa ture. Sun, bu’aa hin argamsiisin malee, eega isin aangoo irraa buutaniis tahaa ture, ta’aa jiras. Hata’u malee qabiyyee fi akeekni marii kan dur hoogganumaa keessan jalatti tahaa turee fi kan amma Shaneen Gumii qabatee deema jiru garagarumaa akkamii qabaateetu kan har’a Shaneen Gumii qabsoo bilsiumaa ganaa jira jettanii marii araaraa dur jala hiriiraa turtan har’a ammo dura dhaabbachuu eegaltan? Ballinaan dubbiftoota Burqaaf nuu ibsituu obbo Galaasaa?
                 Fuula -12-